تعالو شوفو الدكتور قال ايه عن الست الحامل

من كام يوم كده كنت بسمع 90 دقيقة وكان فى دكتور سمنة وبيتكلم عن وزن المراة الحامل والاكل المفيد وهوه نفس الدكتور اللى
اتصلت بيه الست ورعبتنى لو انتى فاكرين موضوعى
المهم خدت لى كام معلومة كده على وقولت افيدكم معايا لانى بجد استفدت حاجات منكم كتير جدا
اول حاجة قال ياريت منكترش الملح فى الاكل ونحاول نخففه ونحاول نبتعد عن المخللات والشطة والحاجات دى
وقال كمان اننا لازم نهتم ب3 حاجات هما المصدر الرئيسى للكالسيوم لبن وزبادى وجبنة بيضاء وقال كمان انه لو الحاجات دى بتزود
الوزن او اللى وزنها زايد ممكن تجيب اللبن والجبنة والزبادى قليل الدسم مافيش مشكلة
وقال كمان معلومة مهمة جدا جدا انه الحديد مهم للحامل جدا وياريت كل واحدة حامل بعد الاكل بساعة ونص تشرب كوب عصير برتقال
لانه بيساعد على امتصاص الحديد بدرجة كبيرة جدا
وكمان للحوامل الحلوين اللى فى الشهور الاولى قال عشان تتفادى حكاية ترجيع الاكل لما تصحى من النوم متشربيش اى سوائل على الريق
لاى كلى اى وجبة خفيفة جدا وبعدها بكام ساعة اشربى اللى انتى عايزاه
وكمان قال ياريت المراة الحامل تقلل جدا من الشاى والقهوة والشيكولاته والمشروبات الغازية ويستحسن جدا انها تمنعها طول فترة الحمل واى حاجة فيها
كافيين طبعا وكمان قال بلاش السكاكر الكتير
انا عن نفسي بموووووووت فى المنتوس بس بطلته من ساعة ماسمعته .
ونيجى بقا لاهم معلومة دى منى انا بقا بس جايبها من دكتور خلو بالكم الحديد والكالسيوم بيمنعوا امتصاص بعض فمتخديش حبوب الكالسيوم وبعدها الحديد
او العكس خلى بينهم على الاقل 3 ساعات ومتاكليش اكلة كلها كالسيوم يعنى فطرى بيض وجبنة ولبن وتيجى تاكل حاجات فيها حديد او تاخدى حبوب الحديد
لا ده غلط استنى 3 ساعات مثلا وحاولى تنظمى وجباتك
وكمان الدكتور قال انه الحامل لازم متاكلش كتير جدا وتزحم بطنها فى الوجبة الواحدة
لا تاكل كل 3 ساعات وجبة خفيفة وكل ماتحس انها جعانة تاكل بس مش لازم تشبع عشان بس متزحمش بطنها .
على فكرة ياجماعة كل حاجة بتيجى بالتعود انا عارفة فى ناس كتير جدا مبتحبش اللبن
وناس بتموووووت فى الشاى والقهوة والبيبسى
وغيره كتير بس معلش كل حاجة بالتعود وتعالوا على نفسكم شوية عشان البيبى
انا واحدة من الناس كنت استحالة اشرب اللبن الطبيعى نهائى بس ممكن نيدو او انكور
ومعتقدش انه كان فى حد بيحب البيبسى قدى وخصوصا الكولا السوداء مبحبش الفانتا والسفن والحاجات دى
والشيكولاته بقا دى موال تانى بس غصبت على نفسي على خاطر البيبى لانه زى ماقلت لكم قبل كده امانة امانة امانة
اوعوا تنسوا الكلمة دى الكافيين بيعمل هشاشة عظام للطفال خلوا بالكم لانى لما بروح ازور حد ويقدم لى كولا مبرضاش اشرب
يقولى ليه اقوله عشان الحمل يستغربوا خلوا بالكم ياجماعة البيبى امانة امااااااااااااااااااانة
وبس كده ياحلوات يارب تكونوا استفدتوا وادعولى دعوة حلوة .
وربنا يقومكم كلكم بالسلامة يارب ويرزق كل مشتاقة فى الشهر ده .