الرئيسية
أحدث الصور
باتى ...باتى ......باتى باتى
وحشتوووونى جدا
النهارده عملت افتكاسة
وطلعت حلوة
قولت اقولكم عليها
طبعا كلنا بنعمل المقلوبة بالفراخ او اللحمة
انا عملتها بفليه الدجاج(البانيه)
وعملتها قبل كده كمان بشرايح البفتيك
وفى الحالتين طلعت جميلة
** المقادير **
- نص كيلو فراخ فليه
- كوب ونص ارز بسمتى
- 1 باذنجانة رومى صغيرة
- 2 بطاطس متوسطة
- 1 جزرة
- 1بصلة كبيرة
- 1 طماطم متوسطة
- 1 فلفل رومى
- 3 كوب شوربة فراخ
- التوابل (ملح-فلفل-قرفة-كركم-جنزبيل-بهارات فراخ-حبهان-ورق لاورا)
** الطريقة **
- نتبل الفليه بماء بصل وملح وفلفل وجنزبيل
- نقطع الخضار كله حلقات
- نشوح الباذنجان والبطاطس فى معلقة زيت دوار الشمس
- نبدأبرص الحلة (يفضل تيفال طبعا)
- نحط شرايح البصل ..ونرش رشة ملح وفلفل خفيفة جدا(بين كل الطبقات)
- ثم الفليه (المتبل مسبقا)
- تم طبقة الجزر والطماطم والفلفل...كلهم طبقة واحدة
يعنى مش نكتر منهم
- وبعدهم الباذنجان(نسيت اصوره)
- ثم البطاطس اخر طبقة من الخضار
- واخيرا نضيف الارز المنقوع قبلها بنص ساعة
- ونضيف شوربة الفراخ اللى تبلناها بكل التوابل السابقة
مهم قوى تضبطى الكركم علشان اللون يطلع حلو
- انا بعد ما غلت ووطيت عليها حطيت فوطة نظيفة تحت الغطا علشان تمتص البخار
اتعلمت كده من ماما ربنا يخليهالى ..علشان الارز مش يعجن
وهتشوفوا الصورة الارز طالع حبة حبة زى الفل
- بعد السوى نسيب الحلة تهدا وتبرد شوية علشان لما تقلبيها مش تبوظ
- فى سرفيس كبير نقلب الحلة ..واستنى دقيقتين كده لغاية ما تستقر
- اكيد طبعا هيقع منك شوية ارز ..بس عادى مفيش مشكلة
نشوف بقى الصور بترتيب الوصف
هاقوم اعمل شوية ايروبيكس
على ما المقلوبة تستوى
نكمل بقى
خلصت رياضة
جربوا وان شاء الله مش هتندموا
» طريقة عمل السينابون بالصور
» بلوزات كروشيه بالباترون
» بالصور أفكار راقية لعمل خطوبة أوكتب كتاب في البيت
» أتفرجى على أحلى الاقطان
» فساتين سواريه للمحجابات رووووووووعه
» حلم غريب مش عارفه افسره
» ديكورات اسقف 2011
» زوجي الحبيب انا مغرورة بيك