الرئيسية
أحدث الصور
حبايبى الفتوكات
اعملى وشك لنفسك بطريقة كانك بتعملى بمقص الفتله
وبما انى متخصصة نتف هههههههه
قولت افيدكم بتجربتى الى عملتها امبارح
أمبارح نزلت انا واختى واشترينا جهاز الوكس
وعلى فكرة مش بتفرق 3 × 1
ولا 10 × 1 حتى , هى هياها الفرق بس فى الملحقات الى معاه
المهم انا اشتريت الجهاز الى هو 3 × 1 ( الجهاز - مناديل - شمعه )
حطيت الجهاز فى الكهربا تقريبا نص ساعه
دخلت واتشمرت وقولت ابدأ فى العمايل بقى عاوزين ننضف
اولا انا مكنش عندى شعرى لانى كنت لسة عاملة قريب (ما انا مبسبش نفسى )
بس قولت لازم اجرب وبالفعل جربته وبجد جميل جدااااااا ما شاء الله عامل زى السحر والمة خفيف عن السويت كتير
المهم من غير رغى كتير جيت عند الوش بقى
عشان تعملى وشك بالوكس الكل بيعمل بالرول ع الوش وبيشيل بالمنديل
ودا بيسبب التهابات خاصة للناس الى بشرتهم حساسه زيى
عشان كدا انا اخترعت طريقة قولت اقولكم عليها
بصى يا ستى منك ليها اولا خدى بالك من المنديل لانة بيكون عباره عن وش وضهر الوش ناعم والوش التانى خشن مش هتاخدى بالك منها الا فى اضاءه قويه
انتى هتستعملى الوش الخشن مش الناعم لان الناعم بيمسك فى الشمع وبيبقى رخم جدا
هتجيبى المنديل وتقصية كام جزء حسب الرغبة وحسب حجم المنديل
انا قطعته مستطيلات صغيرة
المهم هنجيب الجهاز ( طبعا تفصليه من الكهربا )
ومش هنحط الشمعه على وشنا لالالالالالا هنحطها على المنديل على طول
اه والله بجد هنحطها على المنديل طبعا الكل هيستغرب ويقول مهو كدا مش هيشيل
لالالا هتشيل وهتبقى زى الفل كمان
وبعد ما تحطى الشمعه على المنديل بسرعه هتحطيها على وشط وتتكى عليها جامد بعد كدا تشيليها
( مش جامد اوى ولا براحه اوى )
عشان مش تتألمى وبردو نحصل على النتيجه المطلوبة
وبجد يا بنات ما شاء الله بينضف الوش وبيخلية بيلمع وزى الفل بجد حلو اوووووووووى عشان كدا قولت افيدكم
كمان الطريقة دى كويسة للبنات الى فى وشهم حبوب لان الشمع مش بيوصل من الرول مباشرة
كمان كدا الرول مش هيلمس الحبوب وهيفضل نضيف
ياعنى منفعه من كله وادعولى
وان شاء الله توصلى للنتيجه الى انتى عوزاها
بردو مش عاوزة منكم ردود ولاكن عاوزة احس انى افدتكم وانكم بتقدرونى .. تحياتى
» طريقة عمل السينابون بالصور
» بلوزات كروشيه بالباترون
» بالصور أفكار راقية لعمل خطوبة أوكتب كتاب في البيت
» أتفرجى على أحلى الاقطان
» فساتين سواريه للمحجابات رووووووووعه
» حلم غريب مش عارفه افسره
» ديكورات اسقف 2011
» زوجي الحبيب انا مغرورة بيك