منتدي نسائي للمرأه فقط

اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة
رد: أضخم وأجمل موسوعة جليتر بسملة وفواصل وترحيب وأسلامية وورورد
رد: ((تواقـــــــــــــــيع اسلاميه متحــركــــــــــــــــــــه ...........روووووووع



 

رد: اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة
رد: اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة

المواضيع الأخيرة

» جميع منتجات ايفون عندي والتسليم ف المترو
الجمعة يناير 27, 2012 10:11 am من طرف زائر

» طريقة عمل السينابون بالصور
الجمعة يناير 27, 2012 8:45 am من طرف haifa_2011

» بلوزات كروشيه بالباترون
الخميس يناير 12, 2012 9:02 pm من طرف nefertete

»  بالصور أفكار راقية لعمل خطوبة أوكتب كتاب في البيت
الخميس يناير 12, 2012 8:19 pm من طرف شوشو كومبو

» أتفرجى على أحلى الاقطان
الخميس يناير 12, 2012 8:08 pm من طرف شوشو كومبو

» فساتين سواريه للمحجابات رووووووووعه
الخميس يناير 12, 2012 8:06 pm من طرف شوشو كومبو

» حلم غريب مش عارفه افسره
الخميس يناير 12, 2012 8:05 pm من طرف شوشو كومبو

» ديكورات اسقف 2011
الخميس يناير 12, 2012 8:04 pm من طرف شوشو كومبو

» زوجي الحبيب انا مغرورة بيك
الخميس أكتوبر 27, 2011 1:06 pm من طرف اذكر الله

المتواجدون الآن ؟

ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 74 بتاريخ الخميس أغسطس 10, 2017 11:15 pm


    ملف العنايه الشخصيه لكل عروسه متجدد

    شاطر
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 4:40 pm

    النهارده هنتكلم على العنايه الاسبوعيه

    هنجزء كل حاجه علشان كل واحده عندها اى واحده من المشكله دى تكتب و تعملها جدول ليها

    اولا البشره

    ماسكين فى الاسبوع من ضمنهم صنفره

    حب الشباب

    الرؤوس السودا

    الشفاه

    تنظيف الاذن بننساه دايما

    ثانيا الشعر

    طريقه غسله

    اذاى تعملى حمام كريم و زيت

    اذاى تشيلى القشره

    اذاى تخلى شعرك ريحه حلوه

    ثالثا الجسم

    المناطق الغامقه

    نعومه الجسم

    توحيد لونه

    ازاله الشعر و تأخر نموه لمده شهرين و يطلع رفيع ده اخر ما توصلت اليه هههههههههه

    المؤخره اللى تعبه كل البنات

    رابعا الايدى و الارجل

    اذاى تعملى باديكير و مانيكير

    اذاى تحافظى على جمال ايدك فى باقى الاسبوع بعد المواعين


    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 5:04 pm

    نفصص بقى اول جزء اللى هوا البشره

    كلنا بنشتكى من وشى تعبان بهتان مفوش نضار اعمل ايه تعالى اقولك ؟

    مره واحده كل اسبوعين هتعملى الكورس ده

    هتجيبى جهاز البخار و تقعدى عليه لغايه ما وشك يعرق تمسحى بقطنه و شوفى العفانه و لا كأنك غسلتى وشك طيب معنديش جهاز اعمل ايه هقولك جيبى واحد ده ضرورى

    طيب عاوزه اعمل دلوقتى ايه البديل اخلصى طيب طيب هقول اهوا

    هتملى البراد مايه و تسبيه يغلى و هتلاقى البوز بتاعه بيطلع بخار هتقفى بعيد شويه علشان يجى عليكى البخار و ميلسعكيش و تستنى لغايه ما يعرق و شك و رقبتك و تمسحيهم و كررى لغايه ما يخلص الوسخ

    جهزى الماسك ده ( بيغذى و يعمل نضاره و بياض و اشراق )

    م عسل نحل مع معلقه زبادى اخلطيهم كويس و على بشرتك و رقبتك سبيها لما تنشف و اغسلى وشك

    طيب عندى دهون جامده بس مفيش حبوب الحمدلله

    اعملى الماسك ده مرتين بالاسبوع بيحد من الدهون و بيبيض البشره

    م خميره فوريه و م ماء ورد و 1\4 م بكربوناته و 1\4 م خل

    التزمى بالمقادير انا مش مسؤله لو زوتى الكميات اخلطيه كويس اغسلى وشك حطيه على بشرتك و سبيه ينشف و اشطفيه بماء دافىء و بعده بارد

    طيب عندى دهون و حبوب اعمل ايه

    اولا نعالج الحبوب بطريقتين

    اولا هتجيبى لمون و دقيق و تعملى منهم ماسك تخين شويه و تفركى الحبايه بلمونه و تسبيها تنشف و تحطى عليها الماسك على كل حبايه و تسبيه ينشف خالص و قشريها هتلاقيها كأنها مدلوق عليها زيت دى الدهون اللى امتصتها من الحبايه كررى و قشرى و هكذا لغايه ما تدوسى على الحبايه متحسيش بيها و ده على اخر النهار يعنى فى يوم فقط هتتخلصى من الحبوب و دى من اختراعى

    الحاجه التانيه هتستخدمى الماسك ده و برده من اختراعى بشرتى صفيت خالص الحمدلله

    م ص طمى مغربى + م ك ترمس مطحون + 2 برشامه ريفو + لمونه و ماء ورد اخلطيهم كويس و اغسلى وشك و حطيه على بشرتك و سبيه ينشف و افركيه و بعدين اغسلى وشك مره واحده كل اسبوع

    البقع بقى اعمل ايه

    هتجيبى كريم تراى تو سبوت حطى منه بالليل قبل النوم طبقه خفيفه الاول جربيه 4 ساعات على بشرتك لو كويس تمام استخدميه فى الاول هيقشر بشرتك بعد كده مش هيعمل حاجه غير انه يزيل البقع

    طيب

    صنفره و ماسك فى نفس الوقت ( يبيض و يصفى و يروق البشره )

    1\2 كوب ارز مطحون اطحنيه بعدين صفيه بمصفه ديقه عاوزين حبوب الرفيعه

    2 م نشا

    2 م نعناع ناشف

    2 م لبن بودر

    2 م بقدونس مفروم

    بعد طحن الارز اخلطى المكونات كلها فى الكبه هيطلعلك بودر اخضر شيليه فى التلاجه

    طريقه الاستخدام

    تاخدى معلقه منه بس متحطيش فيه معلقه مبلوله لازم ناشف علشان ميبوظش و تحطى على المعلقه اللى خدناها لمونه و م لبن و اخلطيهم كويس ( للبشره الدهنيه )

    البشره العاديه تقدر تحط لبن او زبادى و ماء ورد

    البشره الجافه تقدر تحط لبن و زيت جنين القمح او زتون او لوز

    تمام متغسليش وشك روحى حطى من الماسك صنفرى وشك كويس اشطفيه و اغسليه بالغاسول او صابونتك و نشفى وشك حطى منه تانى على كامل بشرتك و سبيه ينشف كماسك و اغسليه من غير فرك

    عندى رؤس سودا اعمل ايه

    اعملى الخطوات دى و هيروح من عندك حاجه اسمها رؤوس سودا


    السلام عليكم ازيكم يا احلى بناويت النهارده هنتكلم عن الرؤس السودا اللى مغلبانا

    معلش غبت عليكم المرا دى بس و الله كنت مشغوله

    المهم

    محتاجين

    منديلين
    و كريم اكرتين 0.25% ب 8.5 من اى صيدليه
    و بخار
    و قابض مسام تونر او لمونه او ماء ورد اللى بتحبيه

    الخطوات اولا هنحط وشنا على البخار و نطلع كل البلاوى زى الطريقه اللى كنت كتباهالكم تمام
    تجرى على المرايا و المسام مفتوحه
    و تجيبى المنديلين تلفيم على صباعك السبابه بتاع التشاهد فى الصلاه و ادى فديو اذاى تخرجى البثور




    [YOUTUBEhttp://www.youtube.com/watch?v=508Owe4-tiQ&feature=player_embedded][/youtube]


    زى ما انتوا شايفين نوسع و نقرص هتلاقيها طلعت فى ثوانى تمام بعد ما نخلص نحط لمونه و ندلكها او نحط التونر او تلجه علشان نقفل المسام مكانها

    بالليل ندهن بكريم اكرتين بس كده دى الرؤس السودا و ان شاء الله هتروح خالص و مش هتلاقيلها اثر مع الاستمرار

    عندى مسام واسعه اعمل ايه

    كلللللل يوم تدهنى المسام بلمونه و تحطى عليه خليط الدقيق

    اهم خطوه لازم تعرفوها بعد غسل وشى من الماسك اعمل ايه

    تمررى تلجه على بشرتك ضررررورى لو مش متعوده اتعودى هتقفل المسام و كمان هتورد البشره و بعدين متنشفيش وشك هاتى منديلين و نشفى بيهم بالضغط بس و هتحطى كريم المرطب


    الشفاه

    [size=12]يلزمنا فازلين + ماء ورد + ليمون

    اول حاجه نعصر نقتين من الليمون فى طبق و نحط بصباعنا و نفضل ندعك بيها الشفاه لمده دقيقه و نحط عليها ماء الورد دقيقه اخرى بعد كده نجففها خفيف مش كجامد يعنى يبقى فيها شويه من الليمون و ماء الورد و نضع عليهم الفازلين و ننام و بعد 3 ايام هنلاقى فيه تقشير او جلد على الشفاه بعد ما تغسلى وجهك افركيها بالصباع هتطلع على طول


    [size=24][b][i]اعملى الطريقه دى لمده اسبوع كل يوم و الله انا بطلتها يومين دلوقتى و لسه شفايفى ورديه مع انى كنت اشتكى من غمقان شفايفى و انشاء الله هرجعلها

    الاسنان طريقه تبضها

    هنجيب معجون و يفضل كلوس اب و معلقه بيكربوناته و نخلطه بيها و نحطه فى علبه و نشيله فى الحمام مرتين فى الاسبوع تستخدميه بدل المعجون قولنا فى العنايه اليوميه هنغسل سننا بالليل و الصبح قبل النوم و اول ما نصحى و لو بعد الاكل يسلام

    ياريت يا بنات نروح قبل الجواز نروح لطبيب اسنان نعمل تنظيف اسنان هتفرق معانا جامد مع العنايه

    الاذن بقى

    كتير مننا بينسى و تبقى شكلها وحش هقولك اسهل طريقه تنظفى بيها اذنك

    بعد ما تخدى شاور اطلعى هاتى منديل و نظفى اذنك من جوه و من برده هتلاقى كله طلع علشان بتكون بايشه من المايه و طبعا اللى جوا بنظفه بأعواد الاذن و بكده هتكون ودنك نظيفه عالطول لانك بعد كل شاور بتنظفيها و كمان متنيش كل يومين تشيلى الحلق و تنظفيه هوا و المكان المستخبى من الودن و تحطى لهم برفان

    [/size]
    [/size][/i][/b]


    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 5:18 pm

    نكمل ثانيا الشعر دى اخر حاجه هكتبها النهارده

    اولا طريقه غسل الشعر و كم مره

    هنستخدم شامبو و بلسم و حمام كريم و اللى معهوش ميزانيه لده كله فى منتجات منك حلوه جدا

    طيب نكمل هندخل نفتح المايه الدافىء و نحط شويه شامبوا على الفروه بس فاهمييييييييييييييين الفروه فقط فقط و ندلك كويس بأطراف الاصابع مش الاظافر و بعدين نشطف و نجيب البلسم نغسل بيه الشعر فقططططططططط اوعى تجبيه على الفروه مفهوووووووووووم بس و تشطفى كويس جدا كل الشعر

    بس مبروك عليكى غسل الشعر

    هنغسله بقى كل اد ايه للدهنى كل 3 ايام للعادى و الجاف مره كل 5 او 4 ايام


    طيب هنعمل ايه بحمام الكريم

    مره فى الاسبوع هنخلط تلات زيوت مع بعض (زيت زيتون + خروع + جوز هند ) او اى زيوت تتوفر عندك و تحطيها على فروه الراس بس و تدلكى كويس و بعدين تلبسى بونيه او كيس بلاستك و عليه ايشارب و تقعدى كده بالقرطه هههههههههه ساعه و نص بعدين تفكيها و تحطى على شعرك بس حمام الكريم و تقفلى تانى نص ساعه و بعدين تغسليه يبقى كده عملنا ايه خمام كريم و زيت فى نفس الوقت و تغسلى شعرك تانى بنفس الطريقه اللى قولنا عليها

    هنجى بقى نحط كريم الشعر هنحطه فييييييييييييين يا حلوين على الشعر بس برده

    طيب ليه بقى ده كله علشان محدش يعمل و هوا مش فاهم

    الشامبو يحرق الشعر هوا و الزيوت و عاوزه تتأكدى لما تغسلى شعرك سبيه متحطولوش حاجه و سبيه ينشف هتلاقيه هاييييييييييييش زى الشيته و بنى مع انك لابسه حجاب و مش بتعرضيه للشمس بعد ما تسترى على اللى بقولك عليه لو سبتيه ينشف عادى هيهيش حاجه بسيطه اوى

    طيب حمام الكريم و الكريم و البسلم ليه علشان لما بيتحطوا على الفروه بيضعف الشعره و يوقعها كمان اى حاجه تتحط على الفروه زياده عن ساعتين بتكتم الشعره مش بتعرف تتنفس و تقع تموت

    خاااااااااااالويس فى بقه وصفه حلوه جددددددددددددددددددددددا لو استمريتى عليها كمان تحفه انا عملتها مره واحده بس و كانت جميله و هيا برده من خبيره التجميل


    ماسك اصلاح الشعر وعالجه ..
    الوصفه دي تتعمل قبل الاستعمال مباشره ولمره واحده يعني لو اتبقي منها شويه يترمو لانها غير صالحه الا في وقتها فقط ..

    المكونات:
    1- ملعقة كبيرة من خليط الزيوت التالية: الزيتون، اللوز الحلو، جوز الهند، الصويا، الخروع...
    2- صفار بيضة واحدة.
    3- ملعقة كبيرة من العسل. (عسل نحل ابيض )
    4- ملعقة كبيرة من اللبن الرائب.
    5- ملعقة كبيرة من عصير البرتقال.
    طريقة التحضير:
    1- تضرب الزيوت مع صفار البيض خفقاً جيداً حتى الحصول على قوام متناسق تماماً
    2- تضاف إلى هذا الخليط من الزيوت والصفار ملعقة العسل بشكل تدريجي مع ضرب متواصل.

    (وممكن تعملي ف الخلاط او مضرب سلك )
    3- يضاف اللبن مع استمرار الضرب.
    4- يضاف عصير البرتقال .
    طريقة الاستعمال:
    تطبق هذه الخلطة على كامل الشعر وجلدة الرأس قبل الحمام بحوالي نصف ساعة.. يتم توزيعها على الشعر بشكل متجانس.. ويسرح الشعر بالمشط الكبير لمد هذا الماسك على كامل الشعر بشكل أفضل... يغطى الشعر بطاقية من النايلون... ثم بمنشفة جافة فوقها لحفظ الحرارة... من بعد نصف ساعة يشطف الشعر بالماء الفاتر بغزارة... يغسل بشامبو لطيف كالمعتاد... ويشطف بغزارة حتى زوال جميع آثار الشامبو... وبعدها يشطف الشعر بليتر من الماء البارد مضافاً إليه عصير ليمونه واحدة... يلف الشعر بمنشفة جافة ودافئة (يمكن تسخين هذه المنشفة بمجفف الشعر أو بالمايكروويف)... ومن بعد جفاف الشعر يسرح بلطف... وفي حال وجود صعوبة في التسريح يمكن وضع بلسم خفيفه علي الشعر او كريم تسريح مناسب ..

    تكرار الاستعمال:
    - من مرة واحدة إلى مرتين أسبوعياً حسب حالة الشعر والنتيجة المحصلة.
    ده بالنسبه للاصلاح الشعر .. عشان مافيش بنوته تسال تاني تعمل ايه لشعرها اللي بيقع او متقصف او .................. الخ ..


    و ده كلام الخبيره عن الشعر علشان اكون خلصت الشعر كله


    هيشان الشعر استعملي حمام كريم فاشكول او اي نوع جيد مرتين ف الاسبوع .. ولو شعرك جاف استعملي كريم لتتصفيف وانا بفضل منتجات (نيفا) او صانسيلك الكريمات مش الشامبو


    اسفه انا ضدد الفرد لان مافيش فرد ناجح ابدا وبيكون طبيعي يعني اغلبه داخل في كميائي وكمان لو طبيعي اوي بياخد فتره طويله اوووي ومافيش حد بيستمر


    شعرك خفيف تروحي للعطار تشتري منه حبوب اسمها (املج) تحطيها في مايه وتنقعيها وتاخدي مايتها وتدهني بيها راسك مع ماسك خفيف وياسلام بقي لوم فص ثوم وتدهني بيه فروه راس نتيجه اكيد 100 في الميه ومجربه مليون مره

    لله يبارك ف عمرك ياحبيبتي .. بصي ياقمرايه هاتعملي كالاتي والله ف خلال 3 شهور التزام باللي هاقوله شعرك هايتغير تغير جذري ان شالله .. الصبح تاكلي جرجير مش اقل من حزمه .. يعني في اليوم هاتاكلي حزمتين وزعيهم بقي علي طول اليوم زي مانتي عايزه .. وتقللي شرب شاي وكافيين لو بتشربي .. وتشتري حبوب اسمها بنتوجار هاتخدي منها قرصين كل يوم واحد الصبح وواحد بالليل .. وهاتعملي حمام زيت لشعر مرتين ف الاسبوع يعني قولي كل 3 ايام .. والغسيل هايكون بالشامبو المخفف بالماء .. وهاتي شامبو طبي من الصيدليه اي نوع المهم يكون طبي .. وقبل الغسل تسرحي شعرك بمشط واسع وتبداي من تحت لفوق وبراحه جداااااااااااا .. وحمام الزيت هايكون علي الفروه فقط وبمساج وتدليك لمده 5 دقايق وبعدين تلبسي البونيه لمده ساعه او ساعتين ويتغسل شعرك .. وبعدها تحطي بلسم مرطب ويكون خاص بالشعر المتساقط او الشعر التالف وهاتي اي نوع .. وحمام الزيت هايكون .. زيت جنين القمح ويكون نوع نضيف يعني متعبي بشركه وله تصريح من وزاره الصحه .. وزيت الخردل وشويه صغيره زيت خروع واستمري ع الموضوع ده 3 شهور وشوفي الفرق بس الاستمرار هوا اللي هايجيب نتيجه .. وياريت بقي لو كل 10 ايام كده تجيبي فص توم وتدهني بيه الاماكن اللي الشعر فيها خفيف او ضعيف .. متخافيش مش هايعمل ريحه خااااااااااالص .. تقسمي الفص بالساكينه وبعدين تتدهني شويه الاماكن دي وخلاص وتنامي وتصحي مافيش اي ريحه ولو حابه تغسلي شعرك ابقي اغسلي .. ومنوره ياقمري


    الى عندها قشره بقى هنعمل الخلطه دى و نغسل بيها فروه راسنا

    تجيبى شامبو كلير تحطى ربع ازازه شامبو منه و عليها 1\2 كوب خل تفاح و 1\2 كوب خل عادى و رجيهم قبل الاستعمال حطيه على فروه راسك و سبيها لغايه ما تخلصى جسمك

    ريحه شعرك اولا لازم نغسله اول بأول علشان ميعملش ريحه و قبل ما شعرك يقرب يبنشف رشى عليه برفان من بعيد و لما ينشف هتلاقيه ريحته حلوه


    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 5:43 pm

    نكمل يا بناويت

    ثالثا الجسم

    اولا المطقه الحساسه

    النهارده نكمل بقى المنطقه الحساسه
    فيه ناس كتير بتتعامل مع المنطقه دى بقسوه و معامله خاطئه و ده بيكون سبب فى السواد و الريحه و انها بتكون ناشفه و جافه


    طيب ايه اللى المفروض نعمل هنعمل الاتى ده العنايه و دى هتساعد اوووووى مع التفتيح لان دى الطريقه الصح لمعاملتها

    (1) ممنوع منعا باتا استخدام اى صابون او شاور عليها و نستخدم الغاسول الخاص بها انا استخدم سيتيال

    (2) عدم ترك الافرازات و تطنيشها لازم تعلجيها و كمان تغير الملابس عالطول و خالتى جربت المره للاتهابات و قالت حلوه اوى تدوبها فى ماء ساخن و تتركها تبرد او تدفىء و تقعد فيها ربع ساعه و طول ما انتى تستخدمة الغاسول هيزيل الالتهابات


    (3) لازم تهتمى بنظافه المنطقه كويس كل يوم تجيبى الغاسول و قطعه اسفنج و ننظفها كويس و نشطف كويس و من يوم ليوم هاتى ملح و ليمون و جلسرين و افركى المنطقه متخليش الملح كتير علشان الصنفره تبقا رقيقه

    (4) ممنوع استخدام الصنفره او اى ليفه خشنه فده سبب سوادها يكفى فقط الاسفنجه المخصصه ليها

    (5) عدم ترطيب المنطقه سبب فى سوادها لانها رقيقه جدا و اى شىء يأثر فيها

    (6) ننشف المنطقه كويس اوى عند دخول الحمام او بعد الشاور

    طرق بسيطه للتبيض لاكن دى المقدمه للتبيض تستخدم يوميا

    (1) جلسرين و ليمون تعصرى لمونه على جلسرين و تقلبيهم كويس و تحطيه بالثلاجه كل يوم تدعكى المنطقه و اى منطقه عاوزه تفتحيا اكواع او ركب او اى شىء و تصنفرى بعد 3 ايام طبعا صنفره المنطقه اللى قولناه فوق الملح و الجلسرين و الليمون اما الماطق الاخرى فلكى مطلق الحريه الطريقه دى من خبيره تجميل جزاها الله كل خير

    (2) زيت بيبى و تحطى عليه جلسرين و بعد تنظيف المنطقه نحط عليها و ندعكه كويس و اى مكان تريديه الوصفه دى توحد لون الجسم اخذتها من مغربيه جزاها الله كل خير

    تييييييييييييييب نيجى بقى لطريقه التبيض الجااااااامد اوى اللى بعد تجارب سنين اكتشفتها اخيررررررررا

    هنجيب من الصيدليه مرهم بيتادين ابو 7 جنيه علشان يبقى كبير تمام
    و عسل نحل
    و زيت زيتون
    و نشا

    الطريقه

    (1) هنحط البيتادين فى علبه فاضيه جافه مفهاش نقطه مايه
    و نحط عليها زيت زيتون شويه كده و قلبى و بعدين حطى تانى شويه و قلبى لما تلاقيه خف شويه صغيرين يعنى بقى زى الكريم و بعدين نحط عليه م عسل كبيره و نقلب و نقفله و نحطه عندنا فى الدولاب

    (2) هنجيب علبه بودره الاطفال و نحط فيها النشا هنجيبه من العطار ب 3 جنيه هيديكى كيس مليان اوى

    الاستخدام بقى اذاى

    هنغسل المنطقه ذى ما قولنا فوق و ننشفها كويس اوى بالضغط مش مس و فرك
    و بعدين نحط من البيتادين و ندهن كويس ورا و قدام و بعدين نرش النشا و نعمل بأدينا خفيف اوى اوى يدوبك بس يلزق فى البيتادين و بعدين نقوم هتلاقى الزياده وقعت فى الحمام و لو اللى وقع اختلط بالماء هيبقى بنفسجى هههههه متخافيش و كمان اغسلى ايدك قبل ما تروشى النشا و بعد ما تروشى و البسى هدومك و روحى نامى و متجبيش عليهم مايه خالص بمعنى انك تكونى عامله حمامك و مظبطه علشان متبهدليش الوصفه ولما تصحى سبيها متغسلهاش انا بحطهم على بعض لاكن لو عاوزه تغلسى قبل ما تحطى تانى اوك براحتك انا بغسلها بعد مرتين يعنى يومين اغسل

    النتيجه هتلاقيها بعد اسبوع من الاستخدام المنتظم

    الطريقه جيباها من فتكات للامانه اما النشا دى من اختراعى انا

    طيب ايه العامل المساعد مع الوصفه دى هنستخدم الصنفره دى مهمه جددددا انا كنت مستغرباها جدا بس طلعت حلوه اوى


    المكونات
    فنجان ردة خشنة
    فنجان ترمس مطحون
    فنجان رملة ناعمة
    2 ليمونة معصورة
    1 فنجان سبرتو ابيض
    1 فنجان دقيق أبيض
    ا فنجان عصير خيار

    هنخلطهم كويس و نحطهم فى برطمان و نشيلهم فى التلاجه و نصنفر بيها كل تلات ايام او كل يومين


    طريقه استخدام الغاسول للبنت و العروس و المتزوجه و بعد البيريود (الدوره)

    للبنت زى ما كتبين فوق اسفنجه و نحط عليها الغاسول و نبلل المنطقه و نفركها بالاسفنجه و نشطف

    للعروس بقى اسفه هقول كلام يخدش الحياء بس مضطره للتوضيح

    بعد فض الغشاء تقومى على طول تملى البانيو و تحطى غطا من الغاسول و كبشه ملح طعام و تقعدى شويه فى المايه و بعدين تزيلى كل بقايا الدم بأيدك و تنظفى كويس اوى و بعدين قومى و نشفى كويس و حاولى تنشفى لجوه شويه علشان ميحصلش التهابات و بعد كل جماع تعملى كده بس اول شهر

    المتزوجه بقى بما انك بقيتى مدام يبقى هتعملى ايه

    كل اسبوع تعملى مرتين طريقه البانيوا بتاعه العروس بس تقعدى ربع ساعه و كل ما تخدى دش هتغسلى بطريقه البنات العاديه بتاعه الاسفنجه و بعد كل جماع تاخدى الشاور و تغسلى المنطقه كويسه بالاسفنجه و تشطفى الباقى من جوه بأيدك و تنشفى كويس جوه و بره

    بعد البيريود لكل البنات و المتزوجات

    هنملا البانيو و نعمل طريقه العروسه و نقعد ربع ساعه و نطلع نجيب مسك و نكون نقعينه بعد بشره فى ماء ساخن و مغطينه بكيس ناخد بالقطنه قطعه كبيره و نعصرها كده و نحطها على المنطقه كلها ورا و قدام و نلبس و نسيبها ساعه كده و بعدين نشيل

    (دى طريقه ترطيب و هتعمليها بعد البريود 3 ايام ورا بعض بس المسك مش النقع فى البانيوا و فى الايام العاديه تقدرى تعمليها فى اى يوم تحبيه )

    .................................................. ..............

    طيب كده المنطقه باقى المناطق الغامقه الركب و الاكواع

    كل يوم هتحطى لمون و جلسرين مرتين يعنى تخلطيهم مع بعض بنسب متساويه و تشيليها فى التلاجه او فى دولابك و تحطى كل يوم مرتين و تدعكى كويس علشان البشره تتشرب و كدا كدا هنعملهم صنفره اثناء العنايه

    قبل ما تنامى حطى جلسوليد مع لمون و زيت زتون و بعد اسبوع لاحظى الفرق الشاسع

    .................................................. ..............................

    نعومه الجسم

    هنتكلم على الصنفره طيب ايه الفرق بينها و بين الحمام المغربى

    الفرق الحمام المغربى بيتطلع الجلد الميت اما الصنفره بتزيل الطبقه اللى على الجسم اللى مش بيقدر الشاور العادى يشيلها و تعمل بريق و لمعه لما بتتشال و بتتكون كل يومين

    طيب همعمل كام صنفره اربعه ايه انتى عاوزه تبوظى جسمنا عادى فدايا هههههههه لا متخافوش خليكوا معايا و هتفهموا فى الاخر

    اول صنفره



    هنجيب صنفره الزيت و الملح بتاعه الرجلين

    خلى المنطقه ناشفه تحتك يعنى مفهاش مايه هتفهمى ليه

    ادهنى جسمك بالزيت و افركى بالملح كل جسمك ماعدا المنطقه طبعا اتفقنا هنعتنى بيها اذاى

    بعدين قبل ما تفتاحى المايه لمى الملح اللى نزل منك و حطيه جنب شويه صغيرين من الملح العادى و اتفرجى ايوه بالظبط هتعملى كده هتلاقى الملح اللى نازل من جسمك رمادى و التانى ناصع البياض ليه مغسول بأريل ههههههههههههههه

    النتيجه

    بريق لمعان نعومه

    تانى صنفره

    كبيه رز مطحون
    +
    م سكر و م ملح
    و 2م زيت عباد الشمس
    و ليمونه و 1\2 صابونه دوف مبشوره
    اخلطيهم كويس بالايد لازم

    صنفرى جسمك و بليه الاول و اشطفى

    النتيجه

    نعومه فائقه خياليه

    تالت صنفره

    كوب ارز مطحون و كوب شاور جيل و 2 م جلسرين و قلبيهم بمضرب يدوى لالالالالالازم مش هتنجح غير بكده او ممكن بالمضرب الكهربا

    و صنفرى جسمك و اشطفى

    النتيجه

    دى بقى تنفعه للعرايس اوووووى و روعه و هتشوفى الزحلقه بتاعه النعومه بنفسك ههههههههه

    رابع صنفره

    كوب ملح + ربع كوب دقيق + نص ترمس مطحون +معلقتين نشا + ربع كوب طحينه و 3\4 كوب زيت زيتون + لمونه و شويه ماء ورد

    اخلطيهم كلهم و حطيهم فى التلاجه

    صنفرى جسمك بعد ما تبليه خفيف و بعد ما تصنفرى اشطفى

    النتيجه

    نعومه جميله و رقيقه و بياض و لمعه

    للامانه الصنفره الاولى و التانيه من خبيره التجميل حنين و التالته من بنت عذارى معروفه على النت و الرابعه من تأليفى و كلهم مجرباهم و على قرايبى كمان

    طريقه الصنفره هنعملهم كلهم و نشيلهم و كل اسبوع هنعمل واحده شكل

    لو بتعملى الحمام المغربى يوم الجمعه يبقى الصنفره التلات لازم يكون عدى نص اسبوع علشان البشره

    بعد اى صنفره لالالالالالازم ترطيب كويس

    .................................................. .

    الحمام المغربى اذاى تعمليه بكل سهوله و يطلع بلاوى

    اولا فوائده

    .. إنقاص الوزن وإفراز المياه الزائدة
    2.. ينشط الدورة الدموية ويفتح لون البشرة
    3.. يذيب الشحوم المترسبة على المفاصل

    4.. يزيل الإرهاق العضلي والعصبي
    5.. لتجديد ورفع كفاءة الأداء والتركيز في العمل
    6.. يحتفظ بحيوية ونضارة جسمك وبشرتك
    7.. يؤخر ظهور التجاعيد بالجسم .
    8.. يساعد على إنقاص الوزن وإفراز المياه الزائدة .
    ينظف البشرة جيدا ويزيل الخلايا الميتة،كما يعطي البشرة نعومة ورقة،
    مع الاستعمال المتكرر يؤدي الى تفتيح البشرة
    وكثير عرايس يداموا عليه وتلاحظي لونهم فتح
    واعرف بنات فتحوو باستخدامه ولاحظوا تغيرر رائع في الصفاء والبشرره الرائعه للجسم
    ينشط الدوره الدمويه ويهدي الاعصاب
    يزيل السموم من البشررره والماء الزائد



    اول حاجه هنعملها عاوزين المقادير دى

    ليفه مغربى و دى هتلاقيه ب 15 فى كل حته

    و طمى مغربى يا تشتريه جاهز يا تجبيه بودر من العطار و تخلطيه بماء ورد لغايه ما يبقى عجينه زى ما هتجبيه من بره

    الصابون هتجبيه برده من بره او يأما تعملى زى و تصنعيه بالبيت ازاااى هقول فى الاخر

    الطريقه

    هنقفل شبابيك الحمام و البيبان و نشغل المايه السخنه الفايره فى البانيو و نطلع و نسيبها تملى البانيو تلات تربع و بعدين نقفلها و نشغل الساقع يملا الباقى وتنزلى زى الشطوره تقعدى شويتين و تطلعى انا عندى جهاز بخار للوجه بحطه علشا يبخر الدنيا اللى عنده ييعمل كده و اللى معندوش يحاول ميفتحش و يقفل فى الحمام علشان البخار المهم هنطلع نحط الصابون على جسمنا و نستنا شويه فى الفتره دى اقعدى افركى فى جسمك يعنى كأنك بتشربى كريم لجسمك انا فى الوقت ده بقف ادام الجهاز بتاع البخار بعدييييييييييين

    نرجع تانى البانيو و نشطف كلللل جسمنها و نجيب الليفه و نغمسها فى المايه و نعصرها بأدينا و انتى لبساها و تبدأى تفركى بحركات دائريه و تعكسيها لغايه ما تطلع خيوط رمادى كده هيا مش خيوط خيوط اه شوفتى لما بتمسحى بالاستيكه مكان القلم الرصاص بالظبط كده افركى جسمك كله و كل ما تبرد الليفه اغمسيها تانى فى الميه و اعصرى

    خلصتى صفى المايه و افتحى الدش و اشطفى جسمك شطف بالماء بس علشان تنزلى الخيوط دى و بعدين نجيب الطمى و نحطه على جسمنا و برده نفضل ندعك كتير و نسيبه شويه و نشطف و نغسل جسمنا بالشاور بسسسسسسسس

    كده خلص الحمام المغربى طييييييييييب نعمل ايه بعده

    نطلع من تحت الدش و نسيب جسمنا مبلول نزيل بس من عليه زوائد الماء بأدينا و نحط زيت بيبى مخلوط بجلسرين و ده بينعم و يوحد الجسم و نسيبه دقائق و نلبس
    بعه ثوانى و بعد تلات ساعات كده او ساعتين و جسى جسمك و احلى احساس ده سر نعومه رااااائع

    طيييييييييييييييييييييييييييييييييب شويه ملاحيظ هاااامه جدا

    علشان الليفه تطلع البلاوى دى حطيها قبل منك فى المايه السخنه على ما تخلصى كل المراحل دى

    اللى معندهااش بانيو يا حلوين بسيطه خالص مالث اقفى تحت المايه السخنه انتى و الليفه برده كنت راحه اشترى الدهب بتاع خطوبتى و تانى يوم الفرح و مش فاضيه اعمل اى حاجه روحت دخلت تحت الدش السخن و كنت بعمل صنفره من خبيره التجميل حبيبتى حنين و شطفتها و قولت اعمل بالليفه و طلع فعلا بلالالاوى و ماما بتصوت و تخبط عليا ياللا خطيبك جاى و انتى لسه بتاخدى شاور ههههههههههه

    مينفعش خاللث تطلعى من غير ترطيب فى اى تقشير علشان الجلد بيبقى لسه جديد و لا مش بيلاقى ترطيب بينشف و يجف و يسود

    الحمام للعرايس هيتعمل كل اسبوع و اللى اتجوزا يعملوا برده بس يعنى ممكن تعمليه كل اسبوعين لو اتزنقتى و ملقتيش وقت

    طريقه عمل الصابون علشان متقولوش حرمتكوا من حاجه هههههه

    أولا صابونه نابلسي شاهين أو صابونه زيت زيتون أو صابونه غار اللي موجود عندك من دول استخدميه عادي جدا

    ونبشرها كلها بمبشره البصل

    ونحط عليها 2 كبايه ميه مغليه وندوبها كويس

    وبعدين نحط عليها مقدار كبايه صغيره ماء ورد

    وبعدين نحط عليها كبايه صغيره زيت زيتون وده اهم حاجه فى الموضوع كله

    وممكن تحطي عليها ربع كبايه صغيره زيت لوز حلو لو عندك

    وبعد كده 5 معالق خل بلدي ابيض عادي

    ومعلقه عسل نحل

    هنحطه بره مش الحمام مش هيبوظ




    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 5:44 pm

    توحيد لون الجسم

    هتخلطى زيت بيبى مع جلسرين و تحطيه بعد كل صنفره و حمام مغربى هتلاقى نتيجه حلوه جدا

    شعر الجسم و ما ادراك ما شعر الجسم تابعوا معايا

    هقولك على طريقه مش بس الشكل يبقى مفيش شعر لاء الملمس لان ده اهم لاننا خلاص هنجوز او متجوزين لازم نبقى انوثه و دلع اوك خليكوا معايا

    اللى محتاجينوا

    (1) سويت ياريت بتاعه الصيدليه الصراحه احل كتير من البيت و بتقعد بالشهور اللى هيا العلبه و افضل نوع زيت الزتون

    (2) جهاز شمع و اللى مش عندها عتعمل زى تحت

    (3) براون سيلك ابيل اللى مش عندها مفيش مانع ممكن تستغنى عنها بس اللى بتجهز تعمل حسابها انها تشترى واحده

    (4) موس نسائى اعتقد تمنه 20 جنيه

    هههههههههههههههههه جمعتلكوا كل الوسائل المهم



    اول حاجه هنعمل الابط و العانه بالسويت و لما نخلص هنعمل بالبراون سيلك ابيل علشان الشعر الرخم الصغير و بعدين نعمل بالموس يبقى كده الشعر كله طلع و مفيش تلتوفع تبوظ الشكل و الملمس و فى نفس الوقت الشعر مش هيطلع خشن و لا غزير و لا اى حاجه خالص

    طيييييييييييييييب دلوقتى هنشرح الريقه السليمه لازاله الشر من الابط و العانه بالتفصيل و بعدين ندخل على باقى الجسم هنفصص كله علشان ست الكل العروسه فتكات غير اى حد

    اولا: الابط



    ده شكل توضيحى للابط فيه اربع اماكن كل مكان فيه شعر مختلف الاتجاه لازم نمشى مع اتجاه الشعر علشان يتشال بسهوله

    ثانيا:العانه



    هشرحهالكم فيه اربع اماكن برده الجناب اللى فوق دى بتبقى نزلهزى حرف اكس قصاد بعض الجزء اللى فى النص نازل واقف لحد منطقه الشرف اسفه بس بحاول اوضح و الباقى من تحت ماشى لفوق يعنى بالعكس

    طيب هنعمل ايه قبل السويت و بعدها

    ده شكلى و انا بعمل السويت هههههههههههههههههههههه



    قبل

    هنكون مصنفرين المنطقه قبلها بيوم و فى اليوم للى هنعمل فيه هنغسلها بالغسول بتاعها اوعى يكون لسه حد بيغسل بالصابون

    و نشفيها كويس و حطى الخلطه دى ( لمون و سكر و شويه مايه صغيرين و نقلب جامد لغايه ما تبقى الماء مسكره ناخد لمايه دى و ندهن بيها المناطق اللى هتتشال بعدين نستنى شويه تنشف و بعدي نزيل على طول هتلاقى الشعر الصغير بيطلع قبل الكبير و اهم حاجه السويت يكون طرى جامد يعنى خلاص هتلزق بكده هتشيل بنظافه و مش هتقطع الشعر و لا كل شويه ترجعى للمنطقه مرتين بالكتيراوى

    بعد بقى السويت

    هنغسلها طبعا و نكون مجهزين زلال بيض مخفوق مع نشا و ندهن بيه و نسبيه ينشف و نشطف و نحط كريم مرطب

    ليه الوصفه دى علشان
    (1) تقفل المسام تانى و متسببش التهاب و دمامل
    (2) تقلل نمو الشر انا كنت مجرباها على وشى و طلعت حلوه جدا قلت اجربها على جسمى كمان

    تنبيه طبي!!!!!!!!:

    == بعض الاشخاص قد يكون عنده حساسيه لبياض البيض يرجى التجربه اولا في منظقه صغيرة
    == البيض قد يكون ملوث ويسبب التهابات لذلك يرجى تعقيمه خارجيا قبل فتحه
    == في ظل الامراض المنتشرة كانفلونزا الطيور يجب الحذر الشديد في التعامل مع البيض


    الايدى و الارجل

    الايدى



    هههههههههههههه مع الرسم وحش بس بحاول اوضح رقم واحد ده شكل الايد من الجنب و شكل نمو الشعر
    رقم اتنين دى لما تفردى ايدك
    رقم تلاته و انتى سانده كوعك على اى مسند
    رقم اربعه ده لما ترفعى ايدك كأنك هتعملى الابط

    تمام طريقه بقى الازاله اذاى
    هنجيب الشمع و نفرد و نحط القماشه نشيل
    للى معندوش بقى يعمل اه يعمل زى سموره الاموره

    هنجيب سكر و لمون و ماء زى السويت بالظبط و اغليها لغايه ما تبقى تقيله شوي قبل ما تتحول سويت و سبيها تبرد خالص لو فضلت سايبه و تقيله اوى تبقى تمام لو لسه سايسه خالص يبقى تغليها تانى شويه لو جمدت يبقى بقت سويت حطيلها مايه تانى و غليها لغايه ما تتظبط فى الاول بس بعد كده هتبقى سهله

    الطريقه بقى
    هنفرد على لمنطقه اللى عاوزين نشيلها و نحط تبقه رقيه جدا و نحط قماشه قويه انا بعمل بحته جينز و استنى ثنيتين و شيلى و تكونى عامله تلات حتت قماش و نفرد على منطقه كبيره و نحط التلات قماشات على المنقه و نبدأ نشيل اول واحده حطناها بعد كده التانيه بعد كده اخر واحده حطناها ليه علشان عالى ما نحط القماشه التانيه و التالته يبقى عدا ثوانى على الاولى

    تمام بعد الازاله هنعمل بالسيلك ابيل و بعده لموس لو فيه شعر مش راضى يطلع بالوسيلتي الاولانين

    و بعد كل ده نحط بقى زلال البيض و النشا و نشطف بعد ما ينشف و نحط كريم

    الرجلين بقى الشكل اهوا



    رقم واحد ده شل الرجل بالجنب
    رقم اتنين شكلها من ادام
    تلاته من الجنب ن جوه
    اربعه من ورا برضه هنزيل بنفس الطريقه

    هنعمل برده بنفس طريقه الرجل و الايدى بس هوضحلكم الشعر ماشى اذاى علشان تمشوا معاه

    اولا الافخاذ




    رقم واحد ده شكلها من الامام

    رقم اتنين من الجانب الخارجى

    رقم تلاته من الجانب الداخلى و لاحظوا ان الشعر خفيف خالص و من فوق غزير شويه لانه قريب من المنطقه الحساسه

    رقم اربعه من الخلف فيه شويه طوال بيبقوا على المؤخره



    دى بقى طريقه الجلسه لازاه هذه المنطقه لانها دايما بتكون طريه جدا و مش مشدوده بالاخص الناس اللى عندها ترهل فيها هوا طبعا مش ترهل ده سيلوليت المهم انها صعبه الازاله فى القاعده لعاديه

    رقم واحد بنقهد كأننا قايمين من السجده فى الصلاه دى هتخلى المنطقه الاماميه مشدوده خالص و مش محتاجه حتى تشدى بأيدك التانيه

    رقم اتنين هنعمل نفس القاعده بس هنميل للجنب شويه زى ما تكونى فى اخر سجده و قومتى هتسلمى فبنعد بالجنب شيه علشان بس نظهر الجنب الخارجى و نعمل اللى نطوله منه بعدين

    رقم تلاته هنفرد رجلينا خالص على حاجه عليا سرير او كرسى ثابت و نبص من تحت و نش بأدينا هيظهر الشعر الخلفى هنزيله و بعدين نقف و نعمل الحته اللى على المؤخره ادام مرايه
    الجنب الداخلى بقى هنسند رجلينا على الكرسى او السريرو نشد بأدينا و نشيلها

    بسسسسسسسس خلاويس ده الفخد ندخل بقى على البطن

    ثانيا البطن




    هههههههههههههههههه شايفين العفانه هههههههههههه

    المهم من عند الصدر لتحت السره ده كله ماشى مستقيم اما اللى على الجناب زى ما انتوا شايفين


    بسسسسسسسسسسسسسسس كده خلاصنا الجسم اللى عاوز يعمل الظهر ده بقى لازم حد يعملهولك بالطريقه اللى قولنا عليها بس بلاش احسن لان ملمسه مش واضح خالص ممكن بس حد يعملك اللى ناحيه الكتاف و القفا ههههههههههههههه

    .................................................. ........

    ناس كتير خايفه من الموس طيب انا هقولكم حاجه تقنعقوا و اللى ميقتنعش بردوا براحتوا يعنى مش اجبارى هههههههه

    بصوا بقى يا بناويت


    احنا الاول بنعمل ايه نسمع من اول و جديد زى الدروس قولوا ورايا سويت و براون و موس

    طيب ايه اللى بيحصل لما نعمل كده

    اولا السويت هتشيل الشعر الطويل و النص طويل و هتزيل الجلد الميت الطبقه اللى بيكونها الشعر و ده بيخلى الجلد ناعم و شمعه

    ثانيا البراون بتشيل الشعر اللى مشلتهوش السويت طيب تمام كده كله اتشال
    لالالالالالالالالالالالالالالالا طبعا

    فى الشكل بس لاكن الملمس لالالالاء و ده اهم من الشكل علشان ساعدت البيه جوزنا اديهم مش هنسلم منها فى كل حته و لو لقى اى ملمس خشن يأما
    (1) مش هيهوب ناحيه المكان الوحش ده تانى
    (2) هيقرف و يقوم و يسيبك
    (3) هيجعر فى وش سياتك و يقولك ايه العفانه ,القرف,مش تعملى جسمك انتى كذذذذا و كذذذذذذذذذا

    طب وليه يعنى نبقى مكسوفين على طول كدا لالالالاء و الف لالاء

    ايه بقى اللى معكر المكان ده شويه الشعر اللى يتعدوا على الصوابع يعنى كم واحده كده صغننيييييييييييييييين خالص و لو شيلناهم بالموس ايه اللى هيحصل طبعا هيطلعوا بسرعه و يشوكوا و يطلع اغذر اهىء اهىء

    لالالالالالالالالالالالالالالالالا طبعا مش صح طب ليه يا ست سموره ؟

    بس يا بناويت الشعر المنمنم ده طلع امتى و انتى بتشيلى الشعر و هوا كان كبير يعنى كل الشعر خد شهر بحاله علشان يكبر و تقدرى تشليه طيب الشعر اللى هنشيله بالموس ده برده فضل الشهر ده كله علشاااااااااان يطلع بالنمنمه دى يعنى هوا اصلا نموه بطىء جدددددددددددا و لو عملناه بالموس مش هيطلع بسرعه

    طيييييييييييب لو عملنا و طلع و كبر و بقت الشعره غذيره نعمل فيكى ايه يا سموره ؟

    هقولك اهلن وسهلا دا عز الطلب انه يكبر و يطلع علشان نشيله بالسويت و ميبقاش فيه حاجه ارفانه فى عيشتنا و مبوظه ملمسنا و ده لو حصل اصلا لاكن هيفضل يتشال بالموس طول عمره


    انا حبيت افهمكم و انتوا احرار اللى عاوز يعمل يعمل و اللى مش حابب بس يجرب شهر واحد و خلاص


    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الأحد فبراير 20, 2011 5:49 pm

    [/i][/b]
    دى بقيه شرح و انا بعمل السويت

    اهوا رقم واحد دى مخده هتريحى عليها ظهرك و تفتحى رلك كده هههههههههههههه

    اتنين دى كراسه علشان بهوى بيها لما بحط الخلطه اللى قبل السويت

    تلاته ده طبق فيه ماء ساخن بحط فيه علبه السويت علشان اعرف اطلعها بالمعلقه و تبقى سايحه

    اربعه ى فوطه علشان مبهدلش السرير و حطى رجليكى على السرير التانى او كرسى

    خمسه ده طبق فيه مايه علشان لما اخلص متلعش الحمام و يشفونى هههههههه و الفوطه معايا كمان

    لما تخلى المنطقه اللى فوق اقعدى شويه يعنى متتكيش اقعى عادى و رجليكى تكسريها شويه كده ههههههههههههههههه




    تبقى شبه ابو فصاده ههههههههههه بعد ما تعملى اللى فوق هيتبقى شويه صغيرين فى اول الحافتين دول بخليهم الاخر علشان بيوجعوا اوى فبعمل اللى تحت و اكمل اللى فوق نتفه نتفه علشان بوحعنى اوى

    طريقه عمل زيت السعد

    هنجيب معلقتين سعد مطحون و نسخن الزيت على النار هنستخدم زيت زيتون كوب بعد ما يسخن نحط معلقتين السعد و نقلبهم شويه و نطفى النار ونغطى بفوطه و نسيبه خااااللص لما يدفى بعدين نحطه فى برطمان و نحطه فى التلاجه يومين بعدين نطلعه و نصفيه و ناخد الزيت و نستخدمه


    طريقه عمل الكريم

    هتجيبى معلقتين سعد و تنخليهم كويس علشان يبقى بودر و تحطى عليه كوب ماء و فى طبق على النار و تسبيه ينشف خالص مالص لغايه ما يتبقى المعلقتين اللى حتطيهم بعدين يا ستى خديهم حطيهم فى علبه فاضيه و حطى عليه معلقتين اى كريم عندك و قلبى لو كويس تمام لو ليسه حطى كمان معلقه لازم يبقى لونه رمادى نص نص يعنى لا فاتح و لا غامق متوسط و تحفظيه فى التلاجه علشان بيبوظ

    كريم السعد

    بنستخدمه اذاى بعد السويت و بعد زلال البيض اللى قولنا عليها نحط منه و كل يم هنحط لغايه ما نعد 6 ايام بعدين الاسبوع اللى وراه نحط يوم اه و يوم لاء

    زيت السعد

    بنحط لمده ست ايام فقط و بس


    فى حاجه انا اخترعتها بس لسه مجربتهاش انا هعمل الزيت و الكريم و احط نص الزيت على الكريم و هحطه فى علبه شمبو او لوشن لانه هيبقى اخف و زى اللوشن

    و هسميه لوشن السعد ايه رأيكم



    النتيجه اللى حصلت عليها

    الشعر كان فى المناطق لحساسه بيطلع بعد اسبوعين او اقل دلوقتى تلات اسابيع او اكتر و لما يطلع زغب مش بيكبر غير لما يشلنى ههههههههههه

    اما بقيه الجسم

    فبدل ما الشعر بيطلع فى تلات اسابيع بقى يطلع كل شهر و 8 ايام

    النتيجه دى حصلت عليها فى اد ايه

    سنه و نص او اكتر لانى مكنتش منتظمه مش كسل بس كنت بلاقىوصفات تانيه و اعملها و بعدين ارجع للسعد تانى

    يعنى من الاخر الطريقه اننا نحط النشا و البياض كماسك و لما ينشف نغسل المكان و حط كريم السعد


    [i][b]طييييييييييييييييييييب نيجى للمؤخره سورى


    طبعا كلنا عندنا خرايط فى المنطقه و بنحلم انها تكون صافيه و ناعمه طب هنعمل ايه

    عاوزين كريم تراى تو سبوت فى كل الصيدليات ب 6 جنيه يعنى متوفر اوى مخصوص للبقع هندهن منه كل يوم على المؤخره و ننام عالطول منقعدش علشان تتشربه كويس و بعد 3 ايام هتلاقى المنطقه قشرت لوحدها سبيها و حطى تانى ممنوع الصنفره فاهمين انتوا حرين اللى هتفكر تصنفر تستحمل بقى انا مش مسؤله

    الصبح اول ما نصحى هنجيب خليط خل تفاح و ماء ورد حطيهم فى رشاش و رجى كويس و رشى عليها بعدين دلكى بأيدك و سبيها ثوانى تنشف و البسى هدومك كل يوم اعملى كده بعدين بعد اسبوع سيبيها خالص و رطبيها بأى كريم تقيل زى جلسوليد كده و يومين او تلاته لغايه ما يروح القشر و صنفريها بقى اذاااااااااااااى

    كوب طحينه + كوب زيت زتون + 2 كوب لمون + كوب لبن بودر نخلطهم كويس و نحطم ساعه عليها اللى عاوزه نتيجه يستحمل بقى و ياريت اووووووووووى توجهى عليها البخار اثناء الساعه او نص ساعه على الاقل هتلاقى نتيجه افضل و بعدين اشطفيها و جيبى الليفه المغربى و انقعيها فى ماء ساخن اثناء الساعه دى و امسكيها و هاااات يا فرك براحه طبعا بحركات دائريه زى الحمام المغربى بس و رطبيها بزيت بيبى و جلسرين علشان نوحد اللون و تانى يوم نرجع نعمل التانى الطريقه من الاول

    هنعمل الطريقه دى لغايه منلاقى المنطقه صفيت و بعد كده بقى اوعى حد يبوظها تانى

    خااالويس فاضل ايه اه

    اللى عندها خطوط بيضا

    هتستعمل طريقه خل التفاح مع ماء الورد بنسب متساويه و تعمل زى ما قولنا فوق كل يوم هتروح خالص ان شاء الله و تصنفر بالملح كل يومين او بالقهوه

    النهارده مشكله النقط اللى فى الرجلين علشان لقيت بنات محتاسه فيها

    نرجع للرسم تانى ههههههههه



    ده شكل الرجل اللى فيها نقط طيب تعالوا نعرف الاول ايه هيا النقط دى
    النقط دى لو دققتوا فيها اوى هتلاقى نتف شعر محبوسه مش بتخرج و ده بسبب الاتربه و الكريمات اللى بتسد و هكدااااااا
    طيب نعمل ايه يلا نعرف

    اولا العلاج لازم ليه صبر جااااااااااااامد جدا مش اقل من تلات شهور اللى عاوزه تشوف رجليها ملس زى الممثلين تعمل و تنفد

    العلاج محتاجين ايه
    ملح الحليب او ملح طعام عادى ناعم
    زيت زيتون

    نحط زيت الزيتون على الساق و ندلك كويس و لازم يبقى متوسط يعنى و لا غرقانه بالزيت و لا البشره تتشربها فى المتوسط تمام هنحط عليه الملح و نفرك نفرك لما نتعب و بعد ين نشطف رجلينا و نحط خليط من الجلسرين و الليمون

    هنعملها كل اد ايه يوم اه و يوم لاء و مش عاوزين كسل

    و فى طريقه تانيه لو مكسله خالص و مش ناويه تعملى بس مش كل مره يعنى تكسلى مره فى الشهر ماشى هنعمل ايه نبل رجلينا بالماء الساخن على حسب تحملك و بعدين نحط شاور و نجيب الحجر الاسود بتاع الرجلين و نفرك فيه صابونه و ابدئى بحركات دائريه و صنفرى و بعدين اشطفى و حطى الجلسرين مع الليمون


    اه نسيت قبل السويت تعملى الصنفره دى و بعد السويت بيومين اعملى تانى يوم و يوم متعمليش بعد السويت غلط خلى المنطقه ترتاح يومين

    بالنسبه للبراون احسن و لا السويت للناس اللى سألت

    السويت طبعا ليييييييييييه

    مساوئ البراون

    رقم واحد بتطلع الشعر تحت الجلد لما تعتمدى عليها اعتماد كلى
    الشعر بيطلع اسرع شويه من السويت
    مش بطلع الطبقه اللى بتكون مع الشعر اللى السويت بتطلعها و تحسى انك ابيضيتى شويه و المنطقه بقت تلمع و بيضا

    لاكن اداى نستخدمها صح

    دى منا كاتبه بالظبط نعمل بالسويت دايما و منخليش الشعر يطلع جااااامد علشان ما يوجعش اوى و الباقى نشيله بالبراون لو فضل و لو لسه كمان فيه تانى نعمل بالموس و بكده نتجنب مساوئ الموس و البراون

    و لو اتزنقنا فى يوم نعمل بيها كله مفيش مشاكل لاكن متخليش نفسك عرضه للزنقه خليكى على طول جاهزه




    _________________
    <IMG border=0 alt="" src="http://files.fatakat.com/2009/3/1238515876.gif">
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    zz رد: ملف العنايه الشخصيه لكل عروسه متجدد

    مُساهمة من طرف شروق خليل في الإثنين فبراير 21, 2011 7:11 am


    السلام عليكم ازيكم يا بنننناويت و مكملين


    النهارده الباديكير

    عاوزين ايه

    هنجيب فازلين
    زيت زيتون
    لمونه
    بودره دم غزال ان امكن


    اولا

    هنحط معلقه فازلين و عليها شويه زيت زتون و قلبى جامد هتلاقيه اختلط و بقى سايب شويه تحطى اللمونه و تقلبى متعمليش غير كده لو حطيتى اللمونه الاول مش هيختلط الفازلين و تطلع عينك

    خلالالالالالالاويس خلطتى

    جهزى بقى كياس بلاستك و شراب تقيل و كوندى صوف او كوندى اللى بتلبسه البنات بتاع الحجاب الاسود الاميه ده و تجيبى من الصيدليه كونديات بلاستك اللى هيا زى الكياس بس معموله شكل الايد

    الطريقه

    هنجيب طبق فيه مايه سخنه على حسب تحملك و تدخلى رجلك و لو عاوزه تحطى اضافات حطى ملح او اى حاجه تحبيها و تقعدى ربع ساعه كده و تطلعى رجليكى تنشفيها بالفوطه اللى جنبك لازم تحضرى كل حاجه جنبك
    بعدين نحط من خلطه الفازلين و نلبس كيس و نحط الرجل التانيه و نلبس كيس و نلبس الشرابات و بعدين نحط لايدينا و نلبس كونديات اللى جبناها و عليها الكوندى الصوف بس اقعدى بقى لغايه ما رجليكى تعرق و ده بيستغرق حوالى ساعه و نص لساعتين مش كتير ده هيا مره فى الاسبوع و فى الصيف هتعرق بسرعه

    بس هتروحى على الحماام و ترفعى رجلك على الحوض و تزيلى منها كل اللى انتى لابساه و تكون مجهزه الصنفره بتاعتك اى صنفره او تعملى الصنفره دى
    (كوب ملح و كوب سكر و قلبيهم كويس و بعدين حطى اتنين لمونه و قلبى اللون هيبقى بنفسجى متسألنيش اذاى هوا ده اللى بيحصل و حطى شويه مايه صغيرن لغليه ما تبقى زى الصنفره ) شليهم فى اى علبه كريم او برطمان و خليهم عندك بعد المواعين صنفرى بيهم و فى اى وقت احتاجتى صنفره تبقى معاكى

    تمام نرجع بقى نصنفر كويس اوى من غير ما نغسل بالفازلين و بعد كده نفتح المايه الدافيه و نشطفها و بعد ما نخلص ادينا و رجلينا نطلع بس الاول نعمل رجلينا بالحجر الخفاف

    لما نطلع نعمل ايه يا حلوين ايه بقى الباديكير ده

    فى مجموعه اسمها الباديكير متوفره اوى هجبلكم صوره و فى اشكال كتير



    من علا اليمين القصافه العجيبه و القصافه العاديه دول عادى قصى بيهم اظافرك

    الاله اللى شبه الكماشه دى بتطلع الجلد اللى تحت الاظافر بالظبط
    المقس ده ينفع للحواجب او لاى غرض انا مش بستخدمه كتير و طبعا الحواجب حرررررررام

    اللى بعده طبعا ملقاط طب هنعمل بيه ايه هتزيلى شعر الاصابع و تستخدميه عادى

    الناحيه التانيه الاله الاولى الناحيه اللى فوق بتاعتها دى بتزقى بيها الجلد اللى على الاظافر و بيطلع عادى لاننا نقعينع فى الفازلين ساعتين طيب هوا كده اتكوم هنشيله اذااااااااى

    الاله اللى بعدها على طول تحطى الجلد اللى ظهرلك ده بين السنين بتوعها هتلاقيه كله اتشال و بقيتى فله

    الاله اللى بعدها مش عارفه مش بستخدمها و اللى بعدها ده مبرد طبعا بس انا مش بحبه بحب المبرد الكرتون اجمل بكتييييييييير اوى و رخيص

    بس لما تخلصى كله تحطى كريم مرطب و متنزليش رجلك على الارض خمس دقائق كده علشان تتشرب الكريم تحت و الايد برده اصبرى شويه متمسكيش حاجه

    بسسسسسسسسسسس ادى البديكير بكل سهوله اللى عنده اى سؤال انا فى الخدمه و اللى معندوش العده دى يقدر يستخدم بس القصافه فى قص الاظافر و الجلد اللى تحتيها بس لاكن بجد و الله مهمه جدا يا بنات مما كانت بتتريق عليا لما جبتها لانى كنت طلبها من المول هنا و اول ما جت قالتلى انا عاوزه واحده

    البنات بقى اللى عندهم الكعب مقشر اوى كل يوم قبل النوم حطى الخلطه دى بس مش كتير يعنى ادهنيها عادى و البسى شراب و نامى و الصبح اعملى بالحجر ان شاء الله هتروح اوعى تستخدمى الاله بتاعه الموس اوووووعى بقولك انا رجلى مكنتش فيها قشور و عملت بيها و كنت فرحانه اوى لما اتكون تانى الجلد رجلى مبقتش زى الاول و كمان مش راضيه ترجع تانى


    اذاى تخلى ايدك كويسه مع المواعين

    هنخلى صنفره الملح و السكر جنبنا فى المطبخ دايما بعد ما تخلصى المواعين تجرى ترطبيها عالطول

    و كل يومين تعملى الصنفره بعد المواعين و كمان وراها ترطيب

    و كمان ضرورى جددددددددددا نجيب الكونديات بتاعه الاطباء دى موجوده فى الصيدليه نستخدمها اثناء غسل المواعين علشان ايدينا مش تبوظ البسيها فى ايدك اليمين بس لانها هيا اللى بتتأذى و كمان غلشان ايدك التانيه تجس اذاى كانت المواعين محتاجه غسل تانى و لا لاء

    اوك بس ده الباديكير و العنايه بالايدى و الارجل

    خدوا شويه الاكسسورى دى علشان تحطوها على اجمل رجل















    دى كده اول تقسيمه خلصت بكره هيكون فيه تقسيمه جديده و نفصصها برده


    _________________
    <IMG border=0 alt="" src="http://files.fatakat.com/2009/3/1238515876.gif">

      الوقت/التاريخ الآن هو الثلاثاء نوفمبر 21, 2017 5:33 pm