منتدي نسائي للمرأه فقط

اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة
رد: أضخم وأجمل موسوعة جليتر بسملة وفواصل وترحيب وأسلامية وورورد
رد: ((تواقـــــــــــــــيع اسلاميه متحــركــــــــــــــــــــه ...........روووووووع



 

رد: اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة
رد: اكبر واجمل موسوعة جليتر..تهنئة..ترحيب..ردود..عبارات اسلامية.. هتلاقى كل حاجة

المواضيع الأخيرة

» جميع منتجات ايفون عندي والتسليم ف المترو
الجمعة يناير 27, 2012 10:11 am من طرف زائر

» طريقة عمل السينابون بالصور
الجمعة يناير 27, 2012 8:45 am من طرف haifa_2011

» بلوزات كروشيه بالباترون
الخميس يناير 12, 2012 9:02 pm من طرف nefertete

»  بالصور أفكار راقية لعمل خطوبة أوكتب كتاب في البيت
الخميس يناير 12, 2012 8:19 pm من طرف شوشو كومبو

» أتفرجى على أحلى الاقطان
الخميس يناير 12, 2012 8:08 pm من طرف شوشو كومبو

» فساتين سواريه للمحجابات رووووووووعه
الخميس يناير 12, 2012 8:06 pm من طرف شوشو كومبو

» حلم غريب مش عارفه افسره
الخميس يناير 12, 2012 8:05 pm من طرف شوشو كومبو

» ديكورات اسقف 2011
الخميس يناير 12, 2012 8:04 pm من طرف شوشو كومبو

» زوجي الحبيب انا مغرورة بيك
الخميس أكتوبر 27, 2011 1:06 pm من طرف اذكر الله

المتواجدون الآن ؟

ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 74 بتاريخ الخميس أغسطس 10, 2017 11:15 pm


    عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    شاطر
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف شروق خليل في السبت يناير 15, 2011 7:26 pm

    مساء الخير عليكم

    طبعا الموضوع باين من العنوان .. مين فينا معندهاش شعر تحت الجلد مع اختلاف الدرجة؟ مين فينا مش متضايقة من شكل رجلها ونفسها تبقى ناعمه وشكلها حلو؟
    أنا عن نفسي واحدة من البنات الكتيير اللي الحوار ده طلع ترابنتيتها من زمان قوي
    والسبب إيه؟؟؟ الله أعلم بجد, فيه ناس بيقولوا طريقة ازالة الشعر الغلط, فيه ناس بيقولوا وراثة, وفيه ناس بيقولوا من غير سبب, أنا عن نفسي معرفش, يمكن بنسبة لي التلاتة, بس اللي اقدر اقولهولك إن معايا " إن شاء الله “هتفهمي أصل الموضوع وإزاي تعالجيه.
    بصو بقى يا بناتيت, الشعر اللي تحت الجلد ده هو مرض جلدي اسمه بالانجليزي (Keratosis Pilaris) أو اختصاره ال KPs

    طب إيه هو المدعوء ال KP ده؟

    أنا اقولك يا ستي, ده المعروف بمظهر جلد الوزة أو الفرخة عشان بتظهر حبوب خشنة على سطح جلدك, و بيبقى عبارة عن تكوين الجسم لبروتين المسمى بالكرياتين بشكل زايد على الجلد حوالين بوصيلة الشعر, و غالبا بيظهر في الرجل والايد والمؤخرة (سوري يعني) وممكن يظهر في أي حتة تانية في الجسم تقريبا ماعدا كف الايد والأقدام, وهو مش مرض معدي ولا مؤذي, بس بيبقى ليه تأثير نفسي سلبي على المريض عشان الشكل اللي بيسببو.

    طيب يا ترى ممكن اخف من المرض ده؟

    هقولكم حاجة, بس ماتتخضوش بقى, اسمعوني للآخر. المرض ده مش بيتشفي منه بس ليه علاج و بيتعالج.

    يعني ايه بقى, وهو إيه الفرق بين الشفاء والمعالجة؟

    الشفاء يعني حالة مرضية تعالجيها وتخفي منها خالص وماترجعلكيش تاني بمجرد انتهائك من العلاج لكن المعالجة هو إنك تعالجيها وتتحسني بالعلاج بنسبة كبيرة جدا, لكن ممكن تضطري تستمري عليه حتى لو بجرعة اقل عشان ماترجعلكيش الحالة تاني.

    طيب هو إيه شكله و أعرف إزاي إذا كان عندي أو لأ؟

    هو له كذا شكل ومنظر, فيه منه اللي بتبقى حبوب ملتهبة وحمراء, و في منها حبوب مش ملتهبة وبيبقى محبوس تحتيها الشعرة, عموما أنا هوريكي صور ليه, على فكرة هي من على النت بس شبه اللي كانت عندي وكل واحدة أدرى باللي عندها

    بس أنا عندي شعر تحت الجلد لكن شكله مش كده, هو كده أنا ما عنديش ال KP؟

    لا يا ستي براءة, معندكيش, و اللي عندك ده ممكن يروح عادي بالتقشير والحمام المغربي وشوية ترطيب.

    إيه ده بقى, أنا عندي الKP . معنى كده الحمام المغربي والتقشير و الترطيب ميعملوش حاجة؟

    لا طبعا يساعد و بنسبة كبيرة كمان, ولازم ترطيب عشان الحالة دي بتسوء جدا في حالات الجلد الجاف أو شديد الجفاف. ومش هقولك الحمام المغربي مرتين في الشهر مهم إزاي, لو متقدريش تعملي حمام مغربي كل أسبوعين لكل جسمك , عالاقل لرجلك أو الحتت المصابة بس, المهم تشيلي الجلد الميت باستمرار. بس كلمة في ودنك بقى, ده مش كافي عشان تعالجي الحالة دي.

    وإيه ممكن اعمله تاني غير التقشير والترطيب عشان اقلل الحالة دي؟

    أ ولا: طريقة ازالة الشعر, يعني عليكي وعلى يا سويت يا شمع, فكك بقى من السيلكابيل والموس بالله عليكي.

    ثانيا: فيتاميناتك بقى في ايدك ومايتك تحت باطك, هتبقي لوز إن شاء الله, يعني تاخدي فيتامين Eو A وتشربي مش اقل من 8 كوباية مية في اليوم

    ثالثا: بلاش تستخدمي الصابون العادي في الحموم, يعني لو دوف أو شاور جل بجد يبقى أحسن بكتير, طبعا ده ماعدا الأيام اللي هتعملي فيها تكييس.

    رابعا: تاخدي تان... أنا عارفة قبل ماتشتموا ده مش متوفر لمعظمنا وبيبقى حتى في أيام الصيف بس, لكن أنا بقولك بيساعد بنسبة كبيرة في حل المشكلة “مؤقتا” فـإن عرفتي يبقى خير وبركة.

    أنا عايزة أعرف إيه أنواع الكريمات اللي ممكن تعالجه؟

    جينا بقى للكلام المهم و ايه الكريمات الموضوعية اللي ممكن تتحط عشان إن شاء الله نحل المشكلة دي.
    الاول أنا هقولك على المواد الكيميائية اللي بتساعد في تقشير الطبقة الخارجية للجلد وبتدوب طبقة الكرياتين دي و بعدين هقولك بتبقى متوفرة في انهو كريمات

    المواد الكيميائية

    حمض اللاكتيك: أو الحمض اللبني, وده اللي بنلاقي في اللبن طبعا, ممكن نعمل ماسكات داخل فيها لبن بودرة وممكن نستخدم الكريمات اللي هقولكم عليها بعدين.

    الترتينوين: المادة دي بقى يعرفوها اللي عندهم حب شباب واتعالجو بكريمات داخل فيها المادة دي أو الحبوب زي رواكتان أو ايزوترتينوين, دي بتخلي الطبقة الخارجية للجلد بتنموا بسرعة وبتقلل نسبة الكرياتين وبالتالي الطبقة الخارجية بتبقى ارفع وسهل تتقشر و نسبة المسام المسدودة بتقل.

    يوريا: المادة دي طبعا بتبقى مصنعة, عشان ماحدش يقلق من الاسم وإنه ليه علاقة بالبول, دي بتدوب طبقة الكيرياتين وبيبقى مرطب قوي جدا.

    حمض الساليسيليك: الكريمات اللي فيها المادة دي بيبقى ليها تأثير مرطب قوي جدا على الجلد وبتساعد على تقليل شكل الحبوب دي.

    الكريمات

    الكرباميد: ايون, بتاع الرجلين والقشف ده, مستغربة ليه؟ الكرباميد فيه نسبة يوريا 10 جم لكل انبوبة 100 جم, ولو فتحتي النشرة بتاعتها وقريتيها, هتلاقيه بيقولك بيشيل الكرياتين الزائد عن الجلد الجاف وزيادة الكرياتين عموما. وانا شخصيا بحبه جدا جدا, على الاقل فعال وصباح الرخص بتاعه, يعني في الميزانية.




    اكرتين 0.05%: ده فيه مادة الترتينوين, وبيستعمل في علاج حب الشباب, بس اثبت فاعلية في علاج الحالة بتاعتنا ودكاترة كتير بيوصفوة, إنتي بس هتستحملي التقشير اللي هيعملهولك ويا ريت ماتسيبيش الترطيب وانتي بتستخدميه, سعره رخيص برضه وفي الميزانية.

    ده فيه مادة الترتينوين, وبيستعمل في علاج حب الشباب, بس اثبت فاعلية في علاج الحالة بتاعتنا ودكاترة كتير بيوصفوة, إنتي بس هتستحملي التقشير اللي هيعملهولك ويا ريت ماتسيبيش الترطيب وانتي بتستخدميه, سعره رخيص برضه وفي الميزانية, بس خلي بالك بقى لو إنتي حامل أو بترضعي أو عندك اكزيما بلاش تستخدميه خالص, و استخدمي كريم تاني بداله.



    أفين اكيرات: ده بقى فيه توليفة من المواد اللي قلنا عليها ماعدا الترتينوين ومزودين شوية محبة من عندهم كمان, هو مستورد وفرنساوي, بس عيبه إنه غالي, يعني العلبة ال200 مل تعملها 120 جنيه, وأنا ملقتهوش غير في صيدلية مصر بس هو قوي جدا وترطيبة عالي.
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    رد: عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف شروق خليل في السبت يناير 15, 2011 7:34 pm

    عن تجربه شخصيه بقى السويت والحمام المغربي واستعمال الشاور جيل بدلا من الصابون واستخدام الليفه الناعمه بدلا من الليفه العاديه بضيع الكلام ده كله يالا كله يقولنا بقى عملوا ايه علشان الموضوع ده
    avatar
    nefertete
    روجاجو نشيطه
    روجاجو نشيطه

    عدد المساهمات : 468
    تاريخ التسجيل : 09/01/2011
    الموقع : ده الموقع بتاعي

    رد: عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف nefertete في السبت يناير 15, 2011 9:54 pm

    انا بصي يا شوشو
    قبل السويت ييجي بنص ساعه بدهن جسمي زيت زيتون كده
    وبعدين بعدها بنص ساعه بدخل اخد شاور كده واجيب الحجر الابيض عارفاه
    وامشي ع جسمي بدواير كده
    او بعمل سنفرة بملح الحليب اليوكو سابا جميل جدا
    وبعدين اخرج اعمل السويت بيقلل الموضوع ده كتير


    _________________
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    رد: عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف شروق خليل في الأحد يناير 16, 2011 8:18 am

    nefertete كتب:
    انا بصي يا شوشو
    قبل السويت ييجي بنص ساعه بدهن جسمي زيت زيتون كده
    وبعدين بعدها بنص ساعه بدخل اخد شاور كده واجيب الحجر الابيض عارفاه
    وامشي ع جسمي بدواير كده
    او بعمل سنفرة بملح الحليب اليوكو سابا جميل جدا
    وبعدين اخرج اعمل السويت بيقلل الموضوع ده كتير


    فكره حلوه برضوا وفعلا ملح اليوكا ده ناس كتير استخدمته قالت حلو وانا عن تجربه شخصيه استخدمت الصابونه بتاعته تحفه بجد جدا
    avatar
    nefertete
    روجاجو نشيطه
    روجاجو نشيطه

    عدد المساهمات : 468
    تاريخ التسجيل : 09/01/2011
    الموقع : ده الموقع بتاعي

    رد: عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف nefertete في الأحد يناير 16, 2011 12:49 pm

    لسة يا شوشو مجربتش الصابونه بس هجربها ان شاء الله


    _________________
    avatar
    شروق خليل
    مشرفة قسم العروسة
    مشرفة قسم العروسة

    عدد المساهمات : 324
    تاريخ التسجيل : 08/01/2011

    رد: عندك شعر تحت الجلد؟ تعالي اعرفي أصله وقصته بالتفصيل وإزاي تعالجيه كمان قبل فرحك وبعد جوزاك كمان

    مُساهمة من طرف شروق خليل في الأحد يناير 16, 2011 4:34 pm

    لا جربيها وادعيلي


    _________________
    <IMG border=0 alt="" src="http://files.fatakat.com/2009/3/1238515876.gif">

      الوقت/التاريخ الآن هو الخميس أبريل 26, 2018 7:23 am